IBUKA NA RPF NIBO BAPFOBYA GENOCIDE

Mu gihe dusoza icyumweru cyahariwe kwibuka genocide yakorewe abatutsi ku nshuro ya 20, abanyarwanda benshi, cyane cyane abatutsi bakomeje guhezwa mu icuraburindi ry'ikinyoma cyaKagame, FPR na Ibuka.

Ikinyoma cya mbere: FPR na Kagame babeshya abatutsi ko aribo babarokoye

Abatutsi benshi bakomeje kwemera ko ari FPR yabarokoye! Icyo ni ikinyoma cyambaye ubusa nk'uko tubisanga mu buhamya bw'abasilikare benshi bakoranye na Kagame bamara gutahura ikinyoma cye bakitandukanya nawe.

Genocide yakorewe abatutsi, yakozwe ku bushake bwa FPR na Kagame: nyuma y'amasezerano y'Arusha yo guhagarika intambara no gusangira ubutegetsi, Kagame yabonye ko naho yasangira ubutegetsi na Habyarimana hanyuma hakazaba amatora atashoboraga kuzagera ku butegetsi; niko gupanga umugambi wo guhitana Habyarimana no gukomeza intambara. Imibare ya Kagame ntiyagarukiye ku kwica Habyarimana kuko yari azi neza ko niyica Habyarimana, ubundi abahutu bakoranaga n'inkotanyi bagakangurira rubanda rugufi kwica abatutsi bizatuma leta n'igisilikare by'icyo gihe bazarangarira muri ubwo bwicanyi bigatuma afata ubutegetsi bitamugoye. Yari yabaze kandi ko leta mphutu nikora genocide amahanga azayifatira embargo hanyuma gufata Kigali bikaba nko kwitsamura! Ni muri urwo rwego, FPR ifashijwe n'abanyamerika birukanye 90% by'abasilikare ba MINUAR ubwo genocide yatangiraga. Twibuke kandi ko mui mpera za Mata 1994 leta y'ubufransa yatangaje ko mu Rwanda hari kubera genocide, isaba UN ko hoherezwa abasilikali ba kuyihagarika ariko kubera inyungu za RPF zari zihagarariwe na USA muri UN bikananirana kugeza mu kwezi kwa 6 ubwo abasilikari b'abafransa baje mu Rwanda bakarokora abatutsi bake bari basigaye muri zone turquoise (Gikongoro, Cyangugu na Kibuye). abasilikare b'abafransa kandi baburizamo umugambi wa FPR wo Kwica abahutu bari batuye n'abari barahungiye muri zone turquoise n'ubwo bitayibujije kwica abari iKibeho muri 1995 no muri D.R.Congo mu 1996 - 1997.

Ikinyoma cya kabiri: genocide ngo yahitanye abatutsi barenga milliyoni!

Ibuka ivuga ko hapfuye abatutsi barenga miliyoni hakarokoka abarenga ibihumbi magana ane. Bishatse kuvuga ko mu Rwanda hari abatutsi barenga miliyoni n'igice mu gihe cya genocide. Iki ni ikinyoma giteye ubwoba kuko mu mpera z' 1993 uRwanda rwari rutuwe n'abanyarwanda 6 066 000 muri abo abatutsi bari 14% ni ukuvuga 849 240. Niba hararokotse 400 000 ni ukuvuga ko hapfuye abagera ku 449 240. Niba harapfuye milliyoni koko ni ukuvuga ko hapfuye abahutu 550 760 n'abatutsi 449 240. Mu ibarura ryakozwe na Ibuka ariko imibare ntishyirwe ahagaragara, bivugwa ko abatutsi bapfuye ari 300 000 abasigaye 700 000 ari abahutu. Iryo barura ryakozwe na Ibuka na FARG riranononsoye neza ku buryo n'amazina y'abicwe agiye yanditse, akagali ku kagali. Biragaragara rero ko abatangaza imibare y'ikinyoma arabagamije guhakana amateka n'ibyabaye, Mwene abo nsanga aribo bapfobya genocides zabaye mu Rwanda. Ibyabaye mu Rwanda ntibikwiye kwitwa genocide yibasiye abatutsi, ahubwo ni genocide yakorewe abanyarwanda kandi ikozwe n'abanyarwanda. Kuko abahutu bishwe na FPR yiganjemo abatutsi naho abatutsi bicwa n'interahamwe z'abahutu.

Iyo twibuka, tujye tuzirikana ko abo twibuka ari abahutu 700 000 bishwe na FPR ya Kagame kuva mu 1990 n'abatutsi 300 000 bicwe n'interahamwe muri Mata - Nyakanga 1994. Nitwibuka, tujye tubikora turwanira ukuri, twamagana ikinyoma cy'abicanyi bari ku butegetsi mu Rwanda, bitwaza genocide mu kurengera inyungu zabo bwite.

Amateka niwe mucamanza w'ukuri.